01/03
Ore 20.30
Piazza Roma, Santhià, VC
Consegna delle chiavi della città da parte del Sindaco alle maschere Majutin dal Pampardù e Stevulin d’la Plisera; a seguire: “Proclama al popolo” di Stevulin e sfilata lungo le vie cittadine del Corpo Pifferi e Tamburi e delle Bande Cittadine.
Proclama dla Stevulin dal Carvé 2024
-Cara gent dla mia Santhià im present immantinent, Stevulin dla Plissera l’era, i sun e sempri sarù.
-I sun chi cun al ceur an man, ben cuntent d’ampersuné ai gran valur dal noss Carvé, sensa cruss né sagrin tant amur për Majutin.
-Ecco tücc i me ideai: ciar, pulid e sensa guai, la virtü che chi a Santhià da sempi e për sempi la triunferà.
-Che sogn ch’a l’é sa Piassa, ceur ver dla Cità, as bel palas dal Sindich, na vera meravija, quadar për ja scali di vecc benefatur che sent e sent agn fà ai favu Carvé anche lur.
-E quadar straurdinari dla nossa galeria ai fan brilé jufissi di noss aministratur e, për la gent ca la specia, quadar e ancura quadar tacà an ti curidur.
-E firmi ben ilustri j’antestu l’impurtansa dla stòria di noss temp, na stòria straurdinaria lì j’é l’albo d’unur, la gloria për Santhià da agn e agn as nota ogni scadensa, incuntr, celebrassiun sui suij pagini ai sun testimunià.
-O quanta béla storia,o quanta gent ginoira chi suta l’é passà suta as nobil puntil che ad tücc as ricurdrà.
-E li…a man mansin-a, cun impunenta mole la cesa catedral, gloria Santagatin-a, lì j’é la nossa fede. al noss credo antal Signur, severa e tant pressiusa, an ciama cun amur.
-E tutt antur a nui, sia an cesa che sla piassa respiruma n’aria bun-a, purtà da l’amicissia, purtà da Sant’Ignassiu, noss Sant an paradis cuntent për la sua gent, giuiusa ant’sa piassa,cun gran divertiment, as prepara a celebré al Carvé cun ceur cuntent.
-An poc ju rinfrancami parland a ceur duert, sun prunt a presentevi tütt lonc ch’a ju vist antur.
Ma prima i veul parlevi dla mia Majutin, tant pien-a d’entusiamu, carià për al gran Carvè, la sogna a euc duert, cun gioia genuin-a për essi la regin-a dla fésta c’ancamin-a.
-As mund al gira al cuntrari, tra gueri e disgrassij, omni cai masu i fumni, sacc pü nen co pensé….l’é tant bel andé d’acordi,vreisi ben,parlé cun gent, bevend an bicerot e anbrassesi tücc, sensa vardé al culur dla pel o an che signur at credi, sa té sgnur o povar… e crié tücc ansema viva la gent….viva la pass.
Ju tanti di si stòrij da divi e da cüntevi, vist dal dì e medità la sera, al caud ant’la mia stala.
Prima ad tütt veul saluté al Pravost, Santhià la cunusiva za, dop n’auta esperiensa l’é riva da nui e mi ji diss: duman sa sceruma an Cesa…..ciao Dun Andrea e ben turnà.
-Giné l’era pen-a ancaminà e na nutissia che gnun l’avria senti l’ha culpì tüta la cumünità, la Luigina Rollino l’é vulà an cel, na dona grandiusa che la facc dal ben, sicurament i porti dal paradis l’ha truvaij spalancà a spicela e an varda tücc da lassü, matoc ricurdumla batendij ij man tücc ansema.
-An dì ad nuvember j’andava a Cavajà e ju nutà che an sla cinta dal camp da balun j’an tacà ses gat ch’ai rappresentu i noss glurius cumpless musicai, forse as pudiva serni an simbul pü indicà…..i nossi bandi aut che quat o ses gat..jen tra i pü numerusi e bravi ad tütt al Piemunt.
-Andand avanti ju vist an gran muviment d’omni cun camiun, ruspi e tüti si diavulerij muderni che an quat e quatrott jan tirà su an capanun e prima ad Natal l’ha duvertaij al “Mac Donald”, si american jen rivà anche a Santhià e ai veulu feni mangé a la sua manera….beh, na volta ogni antant va anche ben ma mi ju pü car an gross panin si! Ma cun al salam vec e an bel piat ad faseu.
-Lassuma sté la catedral ad cul c’al duviva essi l’outlet e anveci l’é na pen-a për chi lì ha Santhià antal ceur; Passà al punt dl’autostrada ju vist la Sporting e l’é gnimi an ment che j’han vendilu, speruma ch’a sia na neuva vita për an post magic për tüta la gioventù di agn setanta e utanta.
-Finalment anche Santhià a l’ha al so salun che al ven ciamà “Spazioeventi”,l’é nen propi l’onc che m’aspiciava
as pudiva fé mej për na cità me la nossa,ma l’é sempi an bel pass avanti rispet al gnenti ad prima.
-Fin-a l’auditorium l’ha vist na béla rinfrëscada, mi am piasiva pusé cun ai quadar tacà ai mur, spiciuma…al temp al dirà se al sarà utilisà da pü e mej.
-A l’ufissi pustal jan cambiaj ghigna, e për meis e meis i citadin l’han avì an po’ ad prublema ma cun la neuva sistemassiun sun pü mec an ricord e tütt l’é turnà a la nurmalità.
-Ormai l’é tradissiu che ja strà smiu mitraglià, tücc i mument devu sciapeij për fé passè di fij e di tübu; gnun-i maneri da cuurdinè si benedet travaj ??? smia propi ad no!!!
-La Maiola l’é semp lì, abandunà, cun al so bel caric d’amianto,chi l’ha catala am ciam se an bel dì as disvigrà e ai travaj l’ancaminrà, tra discarij e temovalurissatur juma da butesi tücc ansema,Sindic an testa, a bati i pügn për dì basta,al noss teritori l’ha za dac a suficensa.
-Al travaj al cuntinua essi an bel prublema e tanti Santhiàteis ai devu spustessi për purté a ca la mica, ad cunseguensa la cità l’é poc frequentà, anche i cumerciant as la passu nen propri ben vëghi tant negossi sarà a dan na bruta impressiun dla cità, l’ha seraij fin-a al Vanoli, ca l’ha facc la storia dal cumerci santhiatèis, e sa situassiun am fa propi sagriné.
-A pruposit dal Vanoli; Carlo ades che t’é an pensiun, se at se nen co fè, decidti a sistemé as brüt cantun dla Circunvalassiun!!!
-Scusemi ju divagà,ai parlavu ad cumerci, ben…. La speransaa dainvertì sa bruta strà j’é….grassie al Sidic che l’ha vinsì al bando regiunal dal distret dal cumerci e j’an rivaij di bei suldin…..am racumand spendij mei c’at peudi!!
– Stasera rivand a la stassiun ju vist cun ai me euc che j’è tanti robi ca van nen, la saria tüta da sistemé, dinta e fora, anche tütt antur j’é an gran degrado: dal pasagi zura ai trenu ai ca di feruviè, dai ca dla Keller, na vira a dess STS, al palass dl’ENEL….Sindic anche lì i vëgg c’at bati i pügn për feti rispeté, mola nen am racumand.
-Parluma dal curs, pensava da intré,me ‘l solit,an’tla buca dal luv për la scarsità al lum, ju duvì arcrëdmi: jan cambià i lampadi e quaicos sa scéra, l’é sempi scuriot tra an lanpiun e l’aut, ma l’é za an cit pass avanti.
-La nossa pruvincia l’ha studiani ün-a neuv për la prumussiun dal noss teritori: Ai Burgh di vij d’acqua….e dop ai sagri estivi la pussà për fé cunossi ai nos Carvé: I burgh an maschera, pumousament ciamà il “Carnevale più Grande d’Italia”, e mi sun ben cuntent e sper che da duman për si tre dì ai riva tanta e tanta gent a feni unur.
-I veul cuntevi na béla stòria: an fieul dla nossa cità anamurà di nossi tradissiun l’ha sistemà al “Castel dal Capitan” l’ha peu dalu an gestiun a la Pro Loco che finalment a l’ha na sede degna dla sua storia; li ai nasrà al museo dal Carvè, jan dimi che sarà inaugurà al meis d’avrìl cun na gran giurnà ad fésta, e lì as pudrà urganisé mustri, incuntr e tanti beli inissiativi për tüta la citadinansa.
-Mia béla Majutin ju da diti na roba, mi l’é quai dì che lu sag, ma i sava nen me fé a ditlu….ju spicià, spicià, java nen al curagi, ma at devi saveilu, furtunatament sa piassa pien-a ad gent la dami finalment la forsa….mia cara Majutin, adman a ven a truvemi nientepopodimeno che Miss Italia …..no….no….sta tranquila…ai vard gnanca doss, mi ju euc e ceur mac për Ti.
– Ju za parlà fin-a tropp, quindi turnuma nui, a si tre dì ad baldoria, i vëgg nen l’ura da essi an mess la mia gent, ambrassevi e balé al curantun cun tücc, ghigné e schersé për tre dì….e gnun al dev pensé ai so sagrin ma al dev divertissi di e neuc, neuc e dì.
-E i veul vëgvi tücc partecipé ai tre sfilati, ala fasulà dal lündas e al disné di faseu, për la prima vira duvert a la pupulassiun, e peu tücc al bal, ohh….gnuni scüsi, s’tan al tendun jè e l’é ben scaudà.
-Ben, dess lu piant lì: a la nossa Banda Citadina che a setembar l’ha festegià i so prim dusentrant-agn; ai Pifar, cun i so dusent-agn ad vita, che jan fac na béla festa al meis ad lüi cun al raduno interregiunal di Pifar, a la Banda di Giuvu che l’é lancià vers i cinquant-agn d’atività, a la Stat Magiur Napoleonic, cun la sua storia bicentenaria e a tücc i carnevalant i port, la mia manera, i salut me e ad mia Majutin. Viva ….Viva …. Viva al Carvé ad Santhià!!!
